Zyrtare, Juventusi blen për 46 mln euro një mesfushor nga Bayern

Zyrtare, Juventusi blen për 46 mln euro një mesfushor nga BayernL. Çela

Sport

Bayern München ka njoftuar zyrtarisht se i ka shitur lojtarin e radhës Juventusit, pas mbrojtësit Medhi Benatia. Bëhet fjalë për mesfushorin Douglas Costa, i cili ka kushtuar gjithsej 46 milionë euro.

Braziliani në verë u huazua me kusht blerjen (6 milionë euro në vit), duke parashikuar shitjen e tij për 40 milionë të tjera. Bardhezinjtë janë bindur prej tij dhe kanë vendosur ta blejnë.

Costa u transferua te Bayern nga Shakhtar Donetsk para dy vitesh, por atje vuajti shumë. Presidenti Uli Hoeness e quajti "mercenar" pas kalimit te "Zonja e vjetër".

27-vjeçari këtë sezon ka luajtur 16 ndeshje me Juventusin dhe ka shënuar një gol. Ai ka shtuar fantazinë dhe shpejtësinë në Torino. Të gjithë janë të lumtur.

JOQ.al