Gjykata lë në burg korçarin që përmbysi eskortën e Ramës, kjo është deklarata e tij

Gjykata lë në burg korçarin që përmbysi eskortën e Ramës, kjo është deklarata e tijA. Naçi

Lajme

Pak ditë më parë eskorta e kryeministrit Edi Rama u përfshi në një aksident, e për pasojë mbetën të plagosur tre gardistë. Policia e Korçës vuri në pranga korçarin Spiro Naçi si shkaktar të aksidentit.

Ndërsa, ditën e sotme gjykata e Korçës ka vendosur të lërë në burg, drejtuesin e mjetit Naçi.

Mësohet se gjykata e Shkallës së parë ka vendosur të pranojë kërkesën e Prokurorisë për 29 vjeçarin duke dhënë për të masën “arrest me burg”.

Për Naçin duket se kjo është një ironi fati pasi pak ditë më parë u shpërnda një video teksa këndonte me Ilir Vrenozin për Ramën.

Vargjet e krijuara prej tyre ishin:

Edi, o Edi mallist prej vërteti…”.

Në dëshminë e tij Naçi i ka kërkuar ndjesë gardës, ndërsa ka shtuar se aksidenti ishte pa dashje.

Naçi tha:

Iu kërkoj ndjesë gardës se pa dashje i kam shkaktuar shqetësim. Ndjesë i kërkoj edhe familjes time që i kam shqetësuar”.

Më tej ai deklaron se aty lejohej parakalimi pasi vijat e bardha në rrugë ishin të ndara.

JOQ.al