“Mori fund gjithçka”, Xheni konfirmon ndarjen nga Benardi

“Mori fund gjithçka”, Xheni konfirmon ndarjen nga Benardi

Dy ish banorët e “Big Brother”, Xheni dhe Benardi, tashmë konkurrentë në "Dance with me" duket se i kanë dhënë fund përfundimisht lidhjes së tyre.

Të paktën këtë ka konfirmuar vetë Xheni nëpërmjet një postimi në InstaStory, ku ajo shkruan: “Kaq ishte, ka marrë fund çdo gjë".

Dyshja prej disa javësh ka pasur probleme dhe e pranuan publikisht se ata po kalonin një periudhë reflektimi. Por mesa duket ata nuk kanë mundur t'i lënë pas problemet e tyre.

Gjatë ditës së sotme ata madje kanë ndaluar së ndjekuri njeri-tjetrin në Instagram, por nuk dihet ende nëse do të vijojnë të jenë partnerë apo jo në "Dance with me".

Megjithatë kur kanë kaluar vetëm disa minuta nga postimi, Xheni e ka fshirë atë duke i lënë të gjithë në pikëpyetje. /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.