Rama dhe Tahiri u takuan dje në kryeministri, zbardhet debati me tone të larta që zgjati mbi dy orë

Rama dhe Tahiri u takuan dje në kryeministri, zbardhet debati me tone të larta që zgjati mbi dy orëF. Tenolli

Lajme

Mësohet se ditën e djeshme kryeministri Edi Rama ka zhvilluar një takim me ish-ministrin e Brendshëm Saimir Tahiri në lidhje me implikimin e emrit të tij në dosjen e Habilajve.

Burime për BW, deklarojnë se ky takim është zhvilluar rreth orës 15:00 ditën e djeshme në kryeministri dhe ka zgjatur më shumë se 120 minuta.

Biseda është zhvilluar mes tonesh të larta e të ashpra, kryesisht nga ana e Ramës.

Rama i ka kërkuar llogari dhe me sa duket i ka kërkuar të dorëhiqet, pasi Tahiri mban poste të larta në Partinë Socialiste. Ai është aktualisht kreu i partisë në Tiranë dhe koordinator kombëtar për bashkëqeverisjen në PS.

Ish-ministri nuk ka hedhur asnjë hap pas takimit të djeshëm, e në orët në vazhdim pritet një vendim i tij në lidhje me vijimësinë e ngjarjes dhe mandatit të tij të deputetit.

JOQ.al