Kuriozitete
Rama nis ditën me pamje nga Vlora: Rruga e veshkave dhe syve po rindërtohet
Rama nis ditën me pamje nga Vlora: Rruga e veshkave dhe syve po rindërtohet
Kryeministri Edi Rama e ka nisur edhe këtë mëngjes të shtune duke uruar shqiptarët për një ditë të mbarë dhe sa më të qetë.
Përmes një postimi në rrjetin e tij social Facebook kreu i qeverisë ka zgjedhur foto nga rruga e Pyllit të Sodës, që sipas vlonjatëve njihet si "rruga e veshkave dhe syve".
Mes të tjerash Rama theksoi se po vijon projekti i transformimit të kësaj zone në një hapësirë të re turistike.
“Mirëmëngjesi dhe ju uroj një ditë të mbarë me këto foto nga Rruga e Pyllit të Sodës në Vlorë, ose siç u pagëzua nga vlonjatët në vite, rruga e veshkave dhe syve për shkak të gropave të pafundme e të errësirës që shpon sytë.
Sot po rindërtohet jo vetëm për të shpëtuar veshkat e sytë e vlonjatëve, por edhe për të vijuar projektin e transformimit të asaj zone në një hapësirë të re turistike ku do të zgjatet edhe pjesa perëndimore e Lungomares”, shkruan Rama. /b.l/noa.al/
www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.