Vazhdojnë ikjet nga Top Channel, edhe kjo gazetare njofton largimin

Vazhdojnë ikjet nga Top Channel, edhe kjo gazetare njofton largimin

Largimi i personazheve nga Top Channel mesa duket nuk ka mbaruar. Një tjetër gazetare e njohur e ekranit sapo ka njoftuar ikjen e saj.

Ish prezantuesja e “Pasdite” Lira Burgija ka njoftuar në profilin e saj Facebook se tashmë do të jetë në pozicionin e këshilltares për marrëdhënien me publikun në një kompani të huaj.

Para Lirës ajo që braktisi “TCH” ishte Jonida Shehu e cila pas më shumë se dy vitesh në rolin e drejtueses së “Pasdite në Top Channel”, moderatorja braktisi emisionin, ku u përfol se shkak u bë një incident gjatë një prej emisioneve të saj.

Ndërsa dy ditë më parë, Idro Seferi ishte gazetari i radhës që u largua nga Top Channel pas mbi 10 vitesh punë aty.

Përmes një postimi në Facebook, Idro u shpreh se ka patur nderin dhe kënaqësinë që ka qenë pjesë e raportimeve të shumë ngjarjeve të rëndësishme për shqiptarët, ndërsa thekson se arsyet e largimit janë të natyrës teknike dhe të vendimit personal për ta parë veten më qetë pas një volumi të madh të punës. /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.