Kuriozitete
E vërteta e planetit që ‘do shkatërrojë njerëzimin sivjet’
Nuk janë të paktë njerëzit që gëzohen pasi i dhanë lamtumirën vitit 2016.
Por nëse keni menduar se 12 muajt e fundit ishin të këqinj, atëherë mendoni se si po nis viti 2017.
Tabloidët janë të mbushura me një lajm se ky do jetë fundi i botës siç e njohim.
Thuajse çdo vit kemi parë lajme të tilla se ky do jetë viti i fundit i njerëzimit.
Por këtë herë teoricienët e konspiracionit insistojnë se një planet misterioz do të përplaset me Tokën.
David Meade pretendon se planeti X, i njohur edhe si Nibiru, do të përplaset me planetin tonë në tetor, duke i dhënë fund jetës.
Sipas tij, përplasja do të shkaktojë vullkane, tërmete të fuqishëm dhe stuhi të pazakonta.
“Elita e di këtë gjë dhe po përgatiten duke ndërtuar bunkerë sigurie,” shkruan ai.
“Valët e të nxehtit po bëhen gjithmonë e më të forta dhe po zgjasin më shumë”.
Madje ai ka përgatitur një libër, ku thuhet se planeti Nibiru nuk do vijë nga sistemi ynë diellor.
Natyrisht shkencëtarët nuk e mbështesin këtë teori.
NASA ka deklaruar se historitë për një planet të quajtur Nibiru janë thjesht mashtrime interneti.
“Sigurisht që nuk ekziston,” thotë NASA.
Edhe në dhjetor të vitit 2015 u tha se Nibiru do e shkatërrojë Tokën.
Disa grupe kristiane e kanë mbështetur këtë teori. /Lajmi.net/
